Izrailevič patuzaŭsia la restarana ŭ Kurapatach z pratestoŭcami: «Tam ludzi stajać za hrošy»
Kala restarana «Pajedziem pajadzim» praciahvajucca akcyi pasiŭnaha pratestu: aktyvisty adhavorvajuć naviednikaŭ iści ŭ restaran, pabudavany la miesca masavych rastrełaŭ NKVD.
Časam zdarajucca ekscesy.
Tak adbyłosia i 29 žniŭnia, kali ŭ restaran pryjechaŭ Arkadź Izrailevič — biźniesmien, jakoha vydańnie «Novy čas» nazyvaje datyčnym da ŭstanovy (ale sam jon takuju suviaź admaŭlaje).
Arkadź Izrailevič, fota z fejsbuka
Pa viersii pratestoŭcaŭ, Izrailevič nakinuŭsia na ich i niekatoryja dobra atrymali. U pryvatnaści, ab traŭmie nahi zajaŭlaje aktyvist Dzianis Urbanovič — jaho Izrailevič, maŭlaŭ, mocna ŭdaryŭ.
U internecie vykładzienaje videa, na jakim vidać, jak užo paśla atrymańnia traŭmy Urbanovič siadzić u milicejskaj mašynie i vyciraje z nahi kroŭ pad štanami.
Taksama jość frahmient videa, dzie Izrailevič tuzajecca z Urbanovičam, vidać taksama i pinok pa nazie.
Vidavočna, što biznesoviec sapraŭdy pavodzić siabie ahresiŭna.
My pazvanili jamu, kab pacikavicca pryčynaj. Varta taksama dadać, što ŭ hety ž dzień adbyŭsia sud pa pazovie Izraileviča da «Novaha Času», na jaki toj nie źjaviŭsia.
«Učora ja na sud nie źbiraŭsia iści, bo padniaŭsia verchał u presie: «prychodźcie-prychodźcie». Admoŭnych emocyj mnie chapała, tamu ja adpraviŭ advakata. Potym siabar zaprasiŭ mianie ŭ restaran «Pajedziem pajadzim». Jamu 65 hod, dzień naradžańnia adznačaŭsia, ale navat muzyki nie było — usio cichieńka. Słovam, ja, kab nie pravakavać ludziej, uziaŭ kiroŭcu, sieŭ na zadniaje siadzieńnie mašyny — jana taniravanaja, mianie nie vidać. Ale jany [pratestoŭcy] ž paznali maju mašynu. Sprabavali adčynić dźviery, kiroŭca ich zabłakavaŭ.
Urbanovič voś hety zalez na kapot. Ja vyjšaŭ i kažu, što mašyna darahaja, navošta vy na jaje sadziciesia? Ja nie mahu navat dać kamandu kiroŭcu adjechać, bo pačali b kryčać, što ja dušu mirnych demanstrantaŭ. Ja vyjšaŭ niejak ich adahnać, tut pačalisia abrazy: maŭlaŭ, «pažerci ŭ ciabie čas jość, a ŭ sud pryjści — nie», «u Izraili restarany budujcie» i ŭ takim duchu», — ahučyŭ pryčynu ahresiŭnych pavodzin Izrailevič.
«Potym Hanna Šapućka mnie stała ŭ tvar kamieraj tykać: «Patłumačcie, čamu nie pryjšli ŭ sud». Ja zrazumieŭ, što ničoha tut nie vyrašycca, i vyklikaŭ milicyju — heta zrabiŭ ja», — śćviardžaje jon.
Izrailevič i Šapućka. Kadr ź videa na fejsbuku. Kałaž Radyjo Svaboda
«A što da ŭdaru… Dyk na videa vidać, što ja nie ŭ biercach jakich, a ŭ krasoŭkach. Jak tam imi možna tak udaryć, kab jon paŭhadziny ściakaŭ kryvioju? Pry milicyi jany pačali kryčać, što ja pjany. Ale pravierka na miescy pakazała, što ćviarozy. Potym padyšoŭ Pavieł Sieviaryniec, nie puskaŭ mianie ŭ restaran.
Ja spytaŭ: heta vaša ziamla, što vy mianie na jaje nie puskajecie?
— Nie, ale ŭsio roŭna nie pušču.
U pratakole, darečy, zafiksavana, što na mašynie zastalisia drapiny. Voś čamu ja vyjšaŭ, ja abaraniaŭsia», — davodzić Izrailevič.
U padmacavańnie svajoj pazicyi jon vykłaŭ videa z mašyny, ale tam nie zafiksavana momantu, jak Urbanovič załazić na kapot. Vidać tolki, jak mašynu błakujuć, stojačy pierad joj.
Vidać tolki, jak mašynie nie dajuć prajechać.
Taksama Izrailevič zapeŭniŭ «Našu Nivu», što byŭ śviedkam nastupnaj situacyi:
«Mianie niejak dva zdarovyja chłopcy nie puskali [u restaran], ale ja prajšoŭ. Potym jany adzin dahnaŭ i skazaŭ: maŭlaŭ, darujcie, ja z Babrujska, raboty niama, a tut choć dźvieście rubloŭ zarobiš, staju z 12 da 17», — skazaŭ jon.
Viadoma, dokazaŭ situacyi Izrailevič nie maje.
My spytalisia ŭ kaardynatarki kurapackaj varty Hanny Šapućki, ci sapraŭdy moža takoje być, što niechta staić tam za hrošy.
«Heta aniekdot. Tut ludzi stajać za ideju, a Izrailevič — aktor. Chaj jon pryjedzie i apaznaje hetych dvaich, a tady budziem raźbiracca, chto im płocić i za što. Zrešty, moža jamu «cichary» z kamierami takoje skazali, što tut topčucca? Što im płociać, ja pavieru», — iranizuje Šapućka.
