Pa «spravie miedykaŭ» zatrymany ŭładalnik najbujniejšaj pryvatnaj aptečnaj sietki Leanid Tomčyn
Leanid Tomčyn (kala mikrafona) źjaŭlajecca staršynioj Viciebskaj iudziejskaj abščyny. U minułym hodzie pry jaho značnym udziele adkryłasia pieršaja sinahoha, pabudavanaja ŭ Viciebsku paśla Kastryčnickaha pieravarotu 1917 hoda. Fota: Ihara Maćviejeva
U paniadziełak pravaachoŭnyja orhany zatrymali pa «spravie miedykaŭ» jašče adnaho bujnoha biznesmena, staršyniu rady dyrektaraŭ najbujniejšaj pryvatnaj aptečnaj sietki «Apteka hrup» Leanida Tomčyna. Pra heta TUT.BY paviedamili try nie źviazanyja adna z adnoj krynicy.
«Zatrymali Leanida pa padazreńni ŭ dačy chabaru. Heta było ŭ paniadziełak, zaraz jon aryštavany», — raspaviała krynica.
U KDB Biełarusi infarmacyju ab zatrymańni Tomčyna pakul nie prakamientavali.
Telefon Tomčyna adklučany. U kampanii paviedamili, što Leanida Albiertaviča na miescy niama i nie chacieli adkazać na pytańnie, ci bačyli jaho ŭ ofisie z paniadziełka.
Leanid Tomčyn zajmaje 33 pazicyju ŭ top-200 samych upłyvovych biełaruskich biznesmienaŭ pavodle viersii «Ježiednievnika».
Chołdynh «Apteka hrup» zaradziŭsia bolš za 20 hadoŭ tamu ŭ Viciebsku. U 1995 hodzie kampanija «Farmmarkiet» zaniałasia pastaŭkami lekavych preparataŭ u Biełaruś i adkryła pieršyja čatyry apteki ŭ horadzie nad Dźvinoj.
Ciapier u składzie chołdynhu 260 aptek, pad brendami ADEL i «Dobryja leki» pracuje 201 handlovy abjekt. Kala 60 aptek znachodzicca pad kiraŭnictvam «Apteka hrup».
