Kiraŭnik rasijskaha MZS: My nikoli nie ŭtojvali, što padtrymlivajem kantakty z talibami
Rasija padtrymlivaje kantakty z talibami i nikoli hetaha nie ŭtojvała, raspavioŭ kiraŭnik rasijskaha MZS Siarhiej Łaŭroŭ na pres-kanfierencyi ŭ Sočy.
Siarhiej Łaŭroŭ. Fota: Flickr.
«My nikoli nie ŭtojvali, što padtrymlivajem kantakty z talibami, heta častka afhanskaha hramadstva», — skazaŭ Łaŭroŭ, adznačyŭšy, što heta nieabchodna dla padachvočvańnia talibaŭ «admovicca ad uzbrojenaj baraćby i pačać ahulnanacyjanalny dyjałoh z uradam». Akramia taho, takim čynam Maskva zabiaśpiečvaje biaśpieku rasijanam, jakija znachodziacca ŭ Afhanistanie.
U noč na 21 žniŭnia hazieta The Wall Street Journal sa spasyłkaj na krynicy paviedamiła, što pradstaŭniki zabaronienaha ŭ Rasii ruchu «Taliban» atrymali zaprašeńnie pryniać udzieł u pieramovach pa budučyni Afhanistana. Sustreča maje adbycca ŭ Maskvie 4 vieraśnia.
