Na pavierchni Miesiaca znojdziena vada ŭ vyhladzie lodu
Amierykanskaja Nacyjanalnaja akademija navuk 20 žniŭnia apublikavała rabotu daśledčykaŭ z Havajskich vyspaŭ i navukoŭcaŭ NASA, u jakoj kančatkova paćviardžajecca isnavańnie vady na Miesiacy.
Dla daśledavańnia vykarystoŭvalisia źviestki sa śpiektromietra «M3», jaki dazvalaje vyjaŭlać minieralny skład pavierchni spadarožnika.
«Bolšaja častka vadzianoha lodu lažyć u cieniu krateraŭ kala polusaŭ, dzie samyja ciopłyja temieratury nikoli nie dasiahajuć -250 hradusaŭ pa Farenhiejcie (-121 pa Celsii — Red.). Praź vielmi mały nachił vosi kručeńnia soniečnaje śviatło nikoli nie byvaje ŭ hetych rehijonach», — havorycca ŭ rabocie.
Koleram na mapie abaznačanyja kratery, u jakich znojdzieny lod
Papiarednija raboty ŭskosna znachodzili mahčymyja prykmiety ldu na paŭniovym polusie Miesiaca, ale heta mahło być patłumačana i inšymi źjavami, ciapier ža ŭ hetym pytańni pastaŭlena kropka.
Na hety momant navukoŭcy bačać pierad saboj zadaču vyśvietlić prykładnuju kolkaść hetaha lodu: u dastatkovym abjomie jon moh by być vykarystanym budučymi ekśpiedycyjami na Miesiac, bo taki lod zdabyć praściej, čym mierkavanuju vadu pad pavierchniaj.
Taksama navukoŭcy zojmucca pošukam adkazu na pytańnie, jak toj lod trapiŭ na spadarožnik.
