«Arhanizatar zabojstva» Babčanki pryznaŭ vinu
Padazravany ŭ arhanizacyi zabojstva žurnalista Arkadzia Babčanki pajšoŭ na pahadnieńnie sa śledstvam. Pra heta padčas bryfinhu ŭ aŭtorak paviedamiŭ hienprakuror Ukrainy Juryj Łucenka.
«Tak, sapraŭdy, Hierman i jaho abarona pajšli na padrychtoŭku pahadnieńnia i pracujuć u hetym kantekście», — skazaŭ Łucenka.
Jon zapeŭniŭ, što tak zvany «arhanizatar» faktyčna paćviardžaje viersiju śledstva i «prama pakazvaje na pradstaŭnika» Rasii.
U toj ža čas, hienprakuror padkreśliŭ, što pahadnieńnie pavinien zaćvierdzić sud.
Uviečary 29 maja stała viadoma pra rasstreł rasijskaha žurnalista Arkadzia Babačanki na parozie jaho kvatery ŭ Kijevie. A ŭviečary 30 maja kiraŭnik SBU Vasil Hrycak zajaviŭ, što Babčanka žyvy: «zabojstva» inscenavała jaho śpiecsłužba, kab praduchilić sapraŭdnaje zabojstva i zatrymać zakazčyka.
