Vy nie pavierycie, ale vyrasła cikavaść da knopkavych telefonaŭ
Prodažy knopkavych telefonaŭ biez dostupu ŭ internet vyraśli na piać pracentaŭ za 2017 hod. Pavyšanaja cikavaść da starych madelaŭ nazirajecca ŭpieršyniu za doŭhija hady, pieradaje Sky News.
Pry hetym prodažy smartfonaŭ adznačylisia niečakana nizkim rostam na ŭzroŭni dvuch pracentaŭ, adznačaje vydańnie. Pryčynaj źmieny pryjarytetaŭ pry nabyćci telefona moža być stomlenaść ad kruhłasutačnaha dostupu da sacyjalnych sietak.
Karystalniki śviadoma aharodžvajuć siabie ad spakusy pravieryć abnaŭleńni ŭ Instagram abo Facebook, kuplajučy madeli biez dostupu ŭ internet.
Pavodle dadzienych Fox News, siaredni karystalnik praviaraje naviny na smartfonie kožnyja 12 chvilin. Daśledavańnie Ofcom padličyła, što 78 pracentaŭ brytancaŭ nie ŭjaŭlajuć svajho žyćcia biez telefona. Zvyčajna starejšaje pakaleńnie pravodzić anłajn dźvie hadziny 28 chvilin u dzień, a siarod 18—24-hadovych čas zvarotu da internetu dasiahaje troch hadzin 14 chvilin.
