Minimalny zarobak u Vieniesuele pavialičyŭsia ŭ 60 razoŭ
Prezident Vieniesueły Nikałas Madura abviaściŭ pra pavyšeńnie ŭ krainie minimalnaha zarobku ŭ 60 razoŭ. Pra heta paviedamlaje AVN.
Pavodle śćviardžeńnia kiraŭnika dziaržavy, paśla ŭvodu ŭ abaračeńnie 20 žniŭnia adna adzinka kryptavaluty Petro budzie kaštavać 60 dalaraŭ abo 3,6 tysiačy denaminavanych suvierennych balivaraŭ. Minimalnaja zarpłata pry hetym składzie pałovu kryptamaniety, h.zn. 1,8 tysiačy balivaraŭ, tady jak u ciapierašni čas jana składaje try miljony balivaraŭ (30 suvierennych balivaraŭ paśla denaminacyi)
Vieniesuelskaja nacyjanalnaja valuta pazbavicca piaci nuloŭ. Madura śćviardžaje, što nazvanyja miery dapamohuć «radykalna stabilizavać i źmianić hrašova-kredytnaje i finansavaje žyćcio dziaržavy», jaki pakutuje ad hipierinflacyi.