«Soram i hora»: Vatykan adkazaŭ na dakład ab seksualnym hvałcie nad dziećmi ŭ ZŠA
Praz dva dni paśla publikacyi papiaredniaha dakłada vialikaha žury ŭ Piensilvanii ab seksualnym hvałcie katalickich śviataroŭ nad niepaŭnaletnimi śviaty pasad u Vatykanie vystupiŭ z aficyjnaj zajavaj. Jana apublikavana na sajcie Vatican News.
«Što tyčycca dakłada, apublikavanaha na hetym tydni ŭ Piensilvanii, jość dva słovy, jakija mohuć vykazać pačućci, jakija achoplivajuć pierad hetymi žudasnymi złačynstvami: soram i hora. Śviaty pasad ź vialikaj surjoznaściu razhladaje pracu, praviedzienuju vialikim žury Piensilvanii. Śviaty pasad niedvuchsensoŭna asudžaje seksualnyja damahańni ŭ dačynieńni da niepaŭnaletnich», - zajaviŭ dyrektar pres-słužby Hreh Bierk.
U toj ža čas u zajavie havorycca, što ŭ vyniku reformaŭ katalickaj carkvy ŭ ZŠA kolkaść złoŭžyvańniaŭ u joj značna skaraciłasia. Apisanyja ŭ dakładzie padziei adnosiacca da pačatku 2000-ch hadoŭ. «Śviaty pasad zaklikaje praciahvać reformy i prajaŭlać pilnaść na ŭsich uzroŭniach katalickaj carkvy, kab dapamahčy zabiaśpiečyć abaronu niepaŭnaletnich i uraźlivych darosłych ad zamachaŭ».
