Skandalna viadomy eks-paplečnik «Havary praŭdu» sfatahrafavaŭsia ŭ mundziry padpałkoŭnika — na jaho zaviali spravu
U mai ŭ supołcy «Rečyca. biez cenzury» źjaviłasia fota miascovaha žychara Dzianisa Ściepanienki. Na zdymku jon apranuty ŭ vajskovuju formu padpałkoŭnika.
Ściepanienka daŭno vajuje ź miascovymi infarmacyjnymi supołkami Ukantakcie. Jany kpiać z aktyvista, a toj, u svaju čarhu, piša zajavy ŭ milicyju i prakuraturu, kab supołki pravieryli i pakarali.
Ale, vynikaje, što paśla hetych pravierak pravaachoŭnikaŭ zacikaviŭ i sam Ściepanienka. A dakładniej jaho fota ŭ kicieli biełaruskaha vajskoŭca.
Prakuratura pačała padrychtoŭku administracyjnaj spravy na aktyvista, bo nasić słužbovuju formu cyvilnym asobam zabaroniena. Za heta pahražaje štraf da 20 bazavych.
Ale ž vyśvietliłasia, što zdymak byŭ zrobleny jašče ŭ 2004 hodzie. Ściepanienka tady prymieryŭ formu znajomaha dziela fota. Dokazaŭ, što jon nasiŭ jaje, nie znajšli, i sudździa spyniŭ spravu.
Dzianis Ściepanienka — rečycki aktyvist, jaki bałatavaŭsia u miascovyja saviety pry padtrymcy «Havary Praŭdu», ale ž arhanizacyja adchryściłasia ad svajho prychilnika. Taksama Ściepanienka viadomy tym, što napisaŭ zajavu na Ihara Słučaka za abrazu biełaruskaj movy.