U Baranavičach dva chłopcy źbili ŭ aŭtobusie piensijaniera
U Baranavičach 11 žniŭnia dva chłopcy źbili ŭ aŭtobusie piensijaniera, piša BiełTA.
U aŭtobusie pjanyja chłopcy pavodzili siabie zadzirysta — hučna razmaŭlali, šumieli. 61-hadovy mužčyna zrabiŭ im zaŭvahu. Jaho padtrymaŭ 30-hadovy spadarožnik. Chłopcy adreahavali na heta ahresiŭna, pačałasia bojka. Kiroŭca spyniŭ aŭtobus i zabłakavaŭ vychad. Niechta z pasažyraŭ vyklikaŭ milicyju.
Narad, jaki prybyŭ na miesca zdareńnia, i vajskoŭcy zatrymali chulihanaŭ. Imi akazalisia 19-hadovy miascovy žychar i jaho adnahodak ź vioski Stajki Baranavickaha rajona, abodva — biespracoŭnyja i raniej sudzimyja. Paciarpiełych dastavili ŭ balnicu, dzie jany atrymali miedycynskuju dapamohu. Piensijanieru złamali nos i struščyli skivicu.
Chłopcam pahražaje da šaści hadoŭ pazbaŭleńnia voli za chulihanstva.