U reanimacyi Śvietłahorskaj balnicy ad niezvyčajnaj chvaroby pamior 15-hadovy školnik
PxHere, com
U piatnicu, 10 žniŭnia, u reanimacyi Śvietłahorskaj rajonnaj balnicy raptoŭna pamior 15-hadovy školnik. Jaho dastavili z susiedniaha rajcentra Akciabrski, dzie jon vučyŭsia ŭ miascovaj himnazii.
Jak stała viadoma Progomel.by, hetym letam školnik lažaŭ u homielskaj balnicy. Vypisany byŭ z dyjahnazam, što tyčycca nieŭrałohii.
U sieradu, 8 žniŭnia, jamu stała drenna. Stali dranćvieć kaniečnaści. Jaho pryvieźli spačatku ŭ Akciabrskuju balnicu. Daktary paśla abśledavańnia pryniali rašeńnie transpartavać jaho ŭ Śvietłahorsk, dzie miełasia nieabchodnaje miedycynskaje abstalavańnie.
U noč na 10 žniŭnia ŭ stanie siaredniaj stupieni ciažkaści školnik pastupiŭ u dziciačaje adździaleńnie Śvietłahorskaj rajonnaj balnicy. Praź siem-vosiem hadzin jamu stała horš. Niahledziačy na namahańni daktaroŭ i praviedzienyja apieracyi, jon pamior.