Mierkiel zaklikała jeŭrapiejskija krainy da kansalidacyi
Jeŭrapiejski sajuz pavinien dziejničać zhurtavana, kab adkazvać na sučasnyja vykliki. Pra heta zajaviła kancler FRH Anhieła Mierkiel na sumiesnaj pres-kanfierencyi z premjer-ministram Ispanii Piedra Sančesam, piša tass.ru.
«Krainy ES mohuć adkazvać na vykliki tolki sumiesna», — adznačyła kiraŭnik hiermanskaha Kabinieta ministraŭ. U hetym kantekście jana zhadała pytańni klimatu, svabodnaha handlu i mihracyi.
«Ja rada, što FRH i Ispanija prytrymlivajucca ahulnaha padychodu ŭ supraćdziejańni nielehalnaj mihracyi, — dadała jana. — Ni adna kraina [ES] nie moža ŭchilacca ad pošuku rašeńnia hetaj zadačy».
Mierkiel padkreśliła, što supolnaść pavinna raźvivać adnosiny z Afrykaj, kab zmahacca z patokam biežancaŭ. «My pavinny havaryć z Afrykaj, a nie pra Afryku», — adznačyła kancler.
Bierlin i Madryd zaklučyli dvuchbakovuju damovu pa viartańni biežancaŭ. Heta pahadnieńnie praduhledžvaje, što Ispanija pahodzicca prymać nazad mihrantaŭ, jakija ŭžo byli tam zarehistravanyja, ale paśla apynulisia ŭ Niamieččynie.
