Pradziusara Vitala Novikava vyzvalili ŭ zale suda
Z zały suda Frunzienskaha rajona vyjšaŭ na svabodu pradziusar, muzykant, akcior i biznesmien Vital Novikaŭ. Pra heta ŭ svaim fejsbukie paviedamiŭ biznesmien Uładlen Vialicki.
Fota: facebook.com/vladlen.velitskiy.
U sudzie Frunzienskaha rajona admovilisia ahučyć prysud pa telefonie. Atrymać kamientar u Novikava pakul nie ŭdałosia. «Prysud — 2 hady i 6 miesiacaŭ biez kanfiskacyi. Jon utrymlivaŭsia pad vartaj amal taki ž termin», — skazaŭ jaho znajomy.
Pra zatrymańnie šoŭmiena stała viadoma ŭ krasaviku 2016 hoda.
Śledčyja śćviardžali, što Novikaŭ dapamahaŭ pradpryjemstvam niezakonna ŭchilacca ad vypłaty padatkaŭ.
Vital Novikaŭ naradziŭsia 21 vieraśnia 1959 hoda. Skončyŭ Biełaruski teatralna-mastacki instytut (režysura teatra). Pracavaŭ u Minskim TIUHu, teatry «Małaja scena», ansambli «Pieśniary». Novikaŭ źjaŭlajecca zasnavalnikam KVZ u Biełarusi, zasnavalnikam televizijnaj tvorčaj hrupy «AMiK» (Biełaruś).
