Bred Pit padaŭ u sud na Andželinu Džali
Sudovy pazoŭ akciora da byłoj žonki — adkaz na paproki, što jon nie dapamahaje joj hadavać supolnych dziaciej, piša bbc.com.
U sieradu, 8 žniŭnia, jurysty Breda Pita zarehistravali sudovy pazoŭ, dzie skazana, što ich klijent zapłaciŭ Andželinie Džali kala $ 1,3 miljona. Jašče $ 8 młn akcior nibyta pazyčyŭ byłoj žoncy na nabyćcio novaha doma.
Pazoŭ padadzieny ŭ adkaz na paproki Džali i jaje advakataŭ, jakija nieadnarazova zajaŭlali, što akcior nie dapamahaje joj zabiaśpiečvać ich supolnych dziaciej. Tak, u aŭtorak, 7 žniŭnia, adzin ź jurystaŭ Džali skazaŭ, što vypłaty, jakija Pit ažyćciaŭlaŭ paśla razvodu z aktrysaj, byli «niaznačnymi».
Para była ŭ adnosinach ad 2005, adnak pabrałasia tolki ŭ 2014. U 2016 Džali padała na razvod. U sudovym pazovie skazana, što zajavy aktrysy pa niedastatkovaj padtrymcy z boku byłoha muža — heta «tonka zavualavanaja sproba manipulavać ŚMI».
Pryčynaj razvodu pary stali «nieprymirymyja roznahałośsi», zajaŭlała Andželina Džali niekalki hadoŭ tamu. Jana padała na byłoha muža ŭ sud, abvinavaciŭšy jaho ŭ žorstkim abychodžańni ź dziećmi. Pa słovach Džali, Pit nibyta dazvalaŭ sabie padymać ruku na ich syna. Rasśledavańnie abvinavačvańniaŭ nie paćvierdziła.
U akcioraŭ šaściora dziaciej — troje pryjomnych i troje bijałahičnych.
