Parol, praź jaki žurnalisty hladzieli BiełTA, naležaŭ «Sovietskoj Biełoruśsii»?
Prynamsi adzin z parolaŭ, jakim žurnalisty raznastajnych ŚMI karystalisia dla płatnaj padpiski BiełTA, naležaŭ orhanu Administracyi prezidenta — haziecie «Sovietskaja Biełoruśsija». Pra heta Jeŭraradyjo paviedamiła daśviedčanaja krynica. Pa słovach krynicy, parolem karystałasia šyrokaje koła žurnalistaŭ na praciahu niekalkich hadoŭ.
Taksama jość infarmacyja, što niekatoryja z redakcyjaŭ ciaham apošnich miesiacaŭ atrymali papiaredžańni ź BiełTA ŭ suviazi ź niesankcyjanavanym dostupam da svajoj płatnaj padpiski.
Darečy, ciapierašni redaktar «SB» Dźmitryj Žuk da lutaha 2018 hoda ŭznačalvaŭ ahienctva BiełTA. Možna mierkavać, što mienavita ŭ «SB» uźnikli tyja samyja prablemy z dostupam da padpiski, pra jakija kazała dyrektarka BiełTA Iryna Akułovič.
