Maci praparščyka, aryštavanaha za vynas zbroi z čaści: «Ja pracavała na dźviuch pracach, kab pamahać jamu z kredytami»
U adnoj z vajskovych častak Baranavickaha harnizona byŭ vyjaŭleny fakt niezakonnych dziejańniaŭ u dačynieńni da zbroi i bojeprypasaŭ z boku vajskoŭcaŭ. Raspačataja kryminalnaja sprava, usie fihuranty zatrymanyja.
Padrabiaznaści taho, što adbyłosia, TUT.by raspaviała maci adnaho z padazravanych - 24-hadovaha praparščyka Dźmitryja K.
Da zatrymańnia Źmicier prachodziŭ słužbu ŭ 8-j radyjotechničnaj bryhadzie ŭ Baranavičach. Chłopiec rodam z Kobryna. Paśla terminovaj słužby zastaŭsia va Uzbrojenych siłach pracavać pa kantrakcie. Dźmitryj žyŭ u słužbovaj kvatery ŭ Baranavičach.
Maci zatrymanaha Łarysa Ściapanaŭna skazała, što jaje syna vystaŭlenaje abvinavačańnie ŭ kradziažy ahniastrelnaj zbroi, bojeprypasaŭ abo vybuchovych rečyvaŭ, učynienym z metaj zbytu, albo paŭtorna, albo hrupaj asob, abo słužbovaj asobaj z vykarystańniem svaich słužbovych paŭnamoctvaŭ. Sankcyja adpaviednaha artykuła praduhledžvaje ad piaci da dvanaccaci hadoŭ pazbaŭleńnia voli.
Pa słovach Łarysy Ściapanaŭny, Dźmitryj žyŭ ścipła, lišnich hrošaj u jaho nie było:
- Ja jak razumieju: kali čałaviek handluje zbrojaj, u jaho jość hrošy. U Dzimy nie było ničoha: kvatera dziaržaŭnaja, mebla nabytaja mnoju ŭ kredyt. Jon jak zasialiŭsia, dyk ja ŭziała kredyt i ŭsiu meblu jamu pastaviła. Z hetym kredytam da hetaha času raźličvajusia.
U Baranavičach u jaho byli kredyty. I ź imi ja jamu dapamahała. U jaho ni mašyny nie było, ni rachunku ŭ banku, ničoha nie było. Adnyja kredyty. Ja pracavała na dźviuch pracach, kab dapamahać synu z kredytam.
Pra toje, što jaje syna zatrymali, Łarysa Ściapanaŭna daviedałasia, kali da jaje pryjšli ź pieratrusam.
- U Dzimy telefon maŭčaŭ ceły tydzień. Choć raniej my ŭvieś čas ź im stelefanoŭvalisia. Kali jamu choć na dzień treba było adklučyć telefon, jon mnie telefanavaŭ i papiaredžvaŭ. Ja pačała šukać znajomych, kab da jaho na kvateru pajechali i daviedalisia. A na piaty dzień da mianie na kvateru pryjechali ź pieratrusam - i tady ja daviedałasia. Jaho aryštavali, a mianie navat u viadomaść nichto nie pastaviŭ, - śćviardžaje žančyna.
Svajaki Dźmitryja taksama nie mohuć pavieryć u jaho dačynieńnie da hetaj spravy: «Kali b jon pradavaŭ zbroju, u jaho byli b hrošy, a ŭ jaho, naadvarot, była kuča kredytaŭ».
