U ofisach TUT.by i BiełaPAN pieratrusy, zatrymanyja redaktary
Redaktaraŭ abvinavačvajuć u tym, što jany zachodzili na sajt dziaržaŭnaha ahienctva BiełTA pa starym paroli płatnaha dostupu.
Ad ranicy 7 žniŭnia dva pavierchi ofisaŭ partała TUT.by, raźmieščanych u BC Omega Tower, ačapili supracoŭniki specsłužbaŭ.
Śledčy kamitet rasśleduje absurdnuju spravu za niesankcyjanavany dostup da kampjutarnaj infarmacyi, jaki paciahnuŭ istotnuju škodu.
Miarkujecca, što hałoŭny redaktar TUT.by Maryna Zołatava, a taksama vypuskajučy redaktar Hanna Kałtyhina i redaktar adździeła «Hramadstva» Ullana Babajed karystalisia «levym» dostupam da płatnaha akaŭnta dziaržaŭnaha infarmacyjnaha ahienctva BiełTA. Jany zatrymanyja.
Anałahičnyja pretenzii siłavikoŭ jość da vydaviectva «Biełaruskaja navuka» i da infarmacyjnaha ahienctva BiełaPAN. U BiełaPANie zatrymanaja žurnalistka Taćciana Karaviankova, jakaja piša pra palityku.
Jak paviedamili «Našaj Nivie» supracoŭniki infarmacyjnaha ahienctva BiełaPAN, u ich ofisie taksama adbyvajecca pieratrus.
Absurd uzmacniajecca tym, što płatny dostup da BiełTA faktyčna ničym nie adroźnivajecca ad biaspłatnaha.
U ofisy TUT.by u biznes-centry Omega Tower, raźmieščanym na praśpiekcie Dziaržynskaha, 57, nikoha nie puskajuć. Usiaredzinie adbyvajucca pieratrusy i kanfiskoŭvajucca dakumienty. Ułaśnik partała Juryj Zisier pakul situacyju nie kamientuje.
Tut.baj — samy papularny infarmacyjny partał Biełarusi.
Čytajcie taksama: Redaktarak TUT.by zatrymali na troje sutak
Dyrektarka BiełTA patłumačyła, navošta napisała zajavu, ź jakoj zakruciłasia kryminalnaja sprava suprać TUT.by i «BiełaPANa»
Adździeł markietynhu BiełTA: Płatny dostup? U nas niama prejskuranta
Bialacki: Pieratrusy ŭ Tut.by i BiełaPAN — metaskiravanaja palityka, kab trymać biełarusaŭ u strachu i dezynfarmacyi
Jury Zisier: Heta nie sprava suprać TUT.by, razmova idzie pra niekalkich supracoŭnikaŭ
U redakcyi haziety «Navuka» taksama pieratrus
