TOP-10 mifaŭ pra biełaruskija sanatoryi
Nakont sanatornaha adpačynku isnuje šmat mifaŭ, u jakija mnohija čamuści praciahvajuć vieryć. Nibyta heta doraha, sumna i niasmačna, choć nasamreč heta zusim nie tak. Razam z servisam anłajn-braniravańnia adpačynku ŭ Biełarusi vetliva.by my heta dakažam vielmi prosta — praz hifki z kocikami!
1. U sanatoryi jeździać tolki tyja, kamu treba lačeńnie
Heta nie tak. Dakładniej, nie zusim tak. Lačeńniem u pieršuju čarhu zajmajucca stacyjanary, sanatoryi ž pravodziać azdaraŭleńnie i prafiłaktyku zachvorvańniaŭ.
Taki adpačynak praduhledžvaje zdarovaje charčavańnie, vyznačany rasparadak dnia i nabor nieabchodnych pracedur, kab u nastupnyja hady vam nie treba było źviartacca ŭ miedycynskija ŭstanovy i siadzieć hadzinami ŭ čerhach da daktaroŭ paliklinik.
Chočacie zajmieć zdarovyja zvyčki i narešcie pazbavicca ad miaškoŭ pad vačami — vyvučycie prapanovy biełaruskich zdraŭnic.
2. Sanatoryi — heta ž niešta pra «savok», nie?
Viadoma, nie. Toje, što bolšaść zdraŭnic budavałasia ŭ saviecki čas, nie značyć, što servis zastaŭsia na tym ža ŭzroŭni. Kab ludzi pastajanna pryjazdžali nabiracca siłaŭ dy adpačyvać, pieryjadyčna ramantujucca karpusy, nabyvajecca novaje miedycynskaje abstalavańnie.
Kali vy pabačycie fota ź niekatorych sanatoryjaŭ, to sami ździviciesia, što heta — Biełaruś. Naprykład, voś heta interjer «Junactva», što mieścicca na Minskim mory.
3. Tudy jeździać adny piensijaniery, tam ža panyła
Nu navošta vy tak. Usio amal naadvarot: kab nie jeździć pa sanatoryjach u staraści, treba ŭ maładym uzroście kłapacicca pra zdaroŭje (i mnohija tak i robiać). Nie zabyvajcie, što sanatorny adpačynak — heta nie tolki azdaraŭleńnie, ale i prafiłaktyka.
Tym bolš amal usie zdraŭnicy prapanujuć nasyčanuju zabaŭlalnuju prahramu.
4. Dyk ŭ sanatoryjach adny pracedury
Vy pamylajeciesia. Bolšaść ajčynnych sanatoryjaŭ prapanujuć taksama davoli šyroki vybar zabaŭ i aktyŭnaściaŭ. Tut i spartovyja placoŭki z trenažornymi załami dy raznastajnym invientarom, i plažy z šezłonhami dy ležakami, i ekskursii pa miascovych słavutaściach. A niekatoryja majuć navat ułasny akvapark z vodnymi horkami i SPA-kompleksy.
5. Tam kormiać niasmačnaj ježaj, jak u stałoŭcy
Makarona, što źlipłasia, i varanyja sasiski — daŭno stali muziejnymi ekspanatami i pryvidami ź minułaha. Tak, u sanatoryjach vas nie pačastujuć fastfudam ci smažanym miasam, bo dyjetyčnaje zdarovaje charčavańnie hetaha nie vitaje, ale možacie być upeŭnienyja, što hałodnymi nie zastaniaciesia.
Našy sanatoryi ŭžo daŭno praktykujuć «šviedski stoł», bo heta zručna i zvykła dla haściej.
Niaŭžo ŭ vas jašče nie paciakli ślinki?
6. Dyk kali ŭsio tak pryhoža i smačna, to i doraha, vidać
Časam kažuć, što źlatać u Turcyju ci Jehipiet tańniej, čym adpačyć u Biełarusi. Kali vy paraŭnajecie ajčynnyja prapanovy z prapanovami zamiežnaha adpačynku, to pabačycie, što heta niapraŭda.
Tym bolš treba ŭličvać, što sanatorny adpačynak praduhledžvaje kompleks azdaraŭlenčych pracedur, a taksama ŭklučaje rehularnaje charčavańnie. Na paŭdniovych kurortach vam za ŭsio heta najchutčej daviadziecca dapłacić. A tut i lacieć nikudy nie treba.
7. U biełaruskija sanatoryi niemahčyma nabyć pucioŭku, bo ŭsio daŭno raskupili zamiežniki
Jak i luby inšy adpačynak, pajezdku ŭ sanatoryj lepš płanavać zahadzia. Tym bolš sapraŭdy, ajčynnyja zdraŭnicy majuć vialiki popyt u zamiežnikaŭ, nie kažučy pra biełarusaŭ.
Ale kali vy skarystajeciesia pošukam prapanoŭ, to pabačycie, što i na žnivień jość svabodnyja miescy. Tamu znajści sabie adpačynak — nie takaja vialikaja prablema, było b žadańnie.
8. Sanatoryi — heta ž na niekalki tydniaŭ, a ŭ mianie niama stolki času
Nieabaviazkova sychodzić u adpačynak, kab źjeździć u sanatoryj. Niekatoryja prapanujuć prahramy vychodnaha dnia, kab u pracoŭnym karahodzie ŭ vas była mahčymaść adpačyć i nabracca sił.
Takija prahramy ŭklučajuć SPA-pracedury, kansultacyi miedykaŭ, užyvańnie vitaminaŭ, zdarovaje charčavańnie, basiejn z saŭnaj, masaž i inšyja azdaraŭlenčyja mierapryjemstvy.
Taksama možna padabrać admysłovuju «zdarovuju prahramu» ŭ zaležnaści ad času, jaki vy majecie.
9. Tudy ž niemahčyma pajechać ź dziećmi
Niapraŭda, sanatoryi — vielmi ŭdałaje miesca, kab adpačyć usioj siamjoj. Asabliva z maleńkimi dzietkami: pryroda, śviežaje pavietra, doŭhija špacyry, smačnaja ježa i zabaŭlalnyja prahramy.
Tym bolš niekatoryja miescy prapanujuć dla dzietak śpiecyjalnyja pracedury i majuć hulniavyja placoŭki z animatarami.
10. Ale ž vielmi składana adšukać idealny dla siabie sanatoryj
A voś i nie. Usie prapanovy pa sanatoryjach, ekskursijach, hatelach dy ahrasiadzibach užo daŭno sabranyja ŭ adnym miescy. Zachodźcie na vetliva.by i vybirajcie adpačynak na svoj hust!
