Entuzijast zrabiŭ biełaruskamoŭnuju prašyŭku na fitnes-branzalet Xiaomi Mi Band 3 i ciapier treba, kab try čałavieki jaje ŭchvalili
Mi Band — heta papularny fitnes-branzalet, jaki dazvalaje sačyć za svaim stanam.
«Na adnym z forumaŭ, pryśviečanych devajsam Xiaomi źjaviłasia admysłovaja prahrama, jakaja dazvoliła stavić prašyŭki na MiBand niezaležna ad Mi Fit - GadgetBridge.
Pabačyŭšy heta, ja vyrašyŭ zrabić biełaruskuju łakalizacyju, — piša nam naš čytač Stanisłaŭ Siłkin. — Pierakład byŭ zrobleny, ale paźniej ja vyśvietliŭ, što dla vychadu biłdu treba paćvierdzić pierakładzienyja radki jak minimum tryma karystalnikami, ab čym ja i prašu čytačoŭ».
Jakim čynam paćvierdzić pierakład?
1. Rehistrujemsia na forumie, pryśviečanym Mi Band 3.
2. Uvachodzim u pierakładnicki partał.
3. Pierachodzim u raździeł Firmware.
4. Šukajem biełaruskuju movu ŭ śpisie.
4. Kali pierakład padabajecca, naciskajem na zoračku kala jaho ŭ raździele Suggestions.
5. Profit! Čakajem, pakul biłd budzie stvorany, a kali budzie cikavaść i entuzijazm, to čakać daviadziecca niadoŭha:)
Jak pastavić biłd na svaju pryładu praz Gadget Bridge?
Što spatrebicca:
- Xiaomi Mi Band 3
- Pryłada na Android
- Prahrama Mi Fit
- Prahrama GadgetBridge
- Fajł prašyŭki (*.fw)
1. Aryhinalnaja prahrama Mi Fit pavinna być ustalavana na vašym telefonie i spałučana z Mi Band 3. Kali vaš fitnes-branzalet padłučany i pracuje naležnym čynam z aryhinalnym kitajskim PZ, to možna pačynać. Na hetym etapie jašče adnim važnym punktam budzie ŭklučeńnie «Režymu bačnaści» (Discoverable mode) ŭ Mi Fit, kab inšyja prahramy mahli ŭbačyć vaš branzalet:
2. Kali ŭsio vyšejapisanaje zroblena, vam spatrebicca ŭstalavać madyfikavanuju prahramu GadgetBridge (jakaja padtrymlivaje Mi Band 3) na svaju Android-pryładu.
3. Kali praces ustalavańnia prahramy zavieršycca, adkryjcie GadgetBridge i dajcie ŭsie dazvoły, jakija patrabuje prahrama. Paśla hetaha naciśnicie na błakitnuju kruhłuju knopku (ź simvałam «+») ŭnizie ekrana, kab dadać novuju pryładu:
4. Praces Skanavańnia moža zaniać niekalki chvilin i moža navat pieraryvacca. U takim vypadku spynicie pracu prahramy GadgetBridge i paŭtarycie sprobu (na praładach z Android 6.0+ nieabchodna ŭklučyć vyznačeńnie miescaznachodžańnia (raździeł «Biaśpieka i miesca» > «Miescaznachodžańnie»), kab znachodzić novyja Bluetooth-pryłady). Kali pryładu ŭsio roŭna nie atrymlivajecca znajści, vyklučycie Bluetooth, adkryjcie GadgetBridge i dazvolcie prahramie ŭklučyć Bluetooth samastojna. Kali vaš Mi Band 3 źjavicca ŭ śpisie, naciśnicie na jaho, a zatym na knopku «Nazad».
5. Kali vy viernieciesia nazad, pačniecca praces padklučeńnia, i pryłada paprosić vas nacisnuć na knopku dla zaviaršeńnia naładki.
6. Kali ŭsio zroblena pravilna, vy ŭbačycie padłučanuju pryładu ŭ hałoŭnym mieniu GadgetBridge z błakitnym značkom i statusam «Connected» (Padklučana).
7. Paśla padklučeńnia svajho fitnes-branźleta z GadgetBridge možna pačynać ustalavańnie prašyŭki. Kab ustalavać prašyŭku, adkryjcie svoj mieniedžar fajłaŭ (kali takoha niama, to možacie ŭstalavać Total Commander z Google Play, pravierana na Nokia 6, pracuje), znajdzicie fajł prašyŭki (*.fw), naciśnicie na jaho i vybierycie GadgetBridge (kali niešta pojdzie nie tak, skarystajciesia inšym mieniedžaram fajłaŭ):
8. Ciapier prahrama spytaje, ci chočacie vy ŭstalavać prašyŭku. Naciśnicie na knopku «Ustalavać» (Install), pačakajcie, pakul praces zavieršycca i atrymlivajcie asałodu ad novaj prašyŭki!