Prezidenta Vieniesueły sprabavali zabić na paradzie z dapamohaj dronaŭ z vybuchoŭkaj VIDEA
Cyrymoniju śviatkavańnia 81-j hadaviny stvareńnia nacyjanalnaj hvardyi, na jakoj vystupaŭ prezident Vieniesueły Nikałas Madura, pierarvali z-za vybuchaŭ.
Padčas pramovy vieniesuelskaha lidara jon i ludzi, jakija jaho atačali, rezka pahladzieli ŭvierch, paśla čaho sotni ŭdzielnikaŭ parada na praśpiekcie Balivara kinulisia z trybuny i tranślacyju abarvali. Voś videa:
A voś jak dziejničali ciełaachoŭniki Madura i jon sam:
Na kadrach ź miesca padziej vidać, jak sałdaty raźbiahajucca.
Akazałasia, što zdaryŭsia vybuch. Kiraŭnika Vieniesueły ciełaachoŭniki spačatku zakryli broniematami, a paśla ekstrana evakuiravali ź miesca zdareńnia.
Śćviardžajecca, što dla ataki byli zadziejničanyja niekalki bieśpiłotnych aparataŭ, našpihavanych vybuchoŭkaj. U vyniku vybuchaŭ atrymali ranieńni siem vajskoŭcaŭ, jakija ŭdzielničali ŭ cyrymonii.
Prezident Vieniesueły i vysokapastaŭlenyja čynoŭniki nie paciarpieli.
Madura ŭžo zajaviŭ, što adkaznaść za zamach na jaho niasie prezident susiedniaj Kałumbii Chuan Manuel Santas. Pra heta Madura zajaviŭ u zvarocie da nacyi.
Madura adznačyŭ, što najaŭnyja dokazy pakazvajuć na toje, što da arhanizacyi zamachu majuć dačynieńnie i pravyja vieniesuelskija hrupoŭki. Pavodle jaho słoŭ, palicyja ŭžo aryštavała niekalki čałaviek.
Situacyja ŭ Vieniesuele napružanaja. Apazicyja vinavacić Madura va ŭzurpacyi ŭłady i daviadzieńni ekanomiki da kałapsu. Madura ž, jak i raniej Čavies, sprabujuć pabudavać u krainie sacyjalizm kubinskaha ŭzoru.
