U ZŠA mužčyny zapuścili ruch #UsToo i dzielacca, jak stali achviarami seksualnych damahańniaŭ
Mužčyny z ZŠA stvaryli alternatyŭny #MeToo ruch #UsToo, kab raskazać, što taksama byli achviarami seksualnych damahańniaŭ, paviedamlaje The New York Times.
Pieršym zahavaryŭ były baksior z štata Ahajo Nik Nuter. Jon raspavioŭ, što ŭbačyŭ pa televizary, jak byłyja himnastki ŭ Mičyhanie raskazvajuć ab damahańniach z boku lekara ich kamandy, i ŭspomniŭ vypadak sa svajho minułaha. Kali jon vučyŭsia va ŭniviersitecie, jaho pad vyhladam ahladu taksama macaŭ lekar kamandy Rychard Štraŭs (u 2005 hodzie skončyŭ žyćcio samahubstvam). U maładoha čałavieka byŭ syp, a doktar ahladaŭ jaho hienitalii.
«Vypadak u Mičyhanie prymusiŭ nas skazać: «Hej, heta moža zdarycca navat z chłopcami», — skazaŭ Nuter.
Vydańnie sa spasyłkaj na niezaležnaje rasśledavańnie piša, što doktar Rychard Štraŭsa va ŭniviersitecie štata Ahajo z kanca 1970-ch pa 1990-ja čapiŭsia bolš jak da 100 mužčyn.
Navučalnaja ŭstanova ŭstała ŭ šerah ź Mičyhanskim dziaržaŭnym univiersitetam, dzie doktar damahaŭsia himnastak, Dziaržaŭnym univiersitetam Piensilvanii, dzie były futbolny trenier Džery Sandaski hvałtavaŭ maładych chłopčykaŭ, i ŭniviersitetam Paŭdniovaj Kalifornii, dzie hiniekołaha abvinavacili ŭ seksualnych damahańniach da studentak.
