Niamieckija inžyniery razahnali kapsułu Hyperloop da 457 km/h
Kamanda Miunchienskaha techničnaha ŭniviersiteta ŭstanaviła novy rekord chutkaści dla kapsuły Hyperloop. Chutkaść kapsuły skłała 457 km/h, piša The Verge.
Fota: The Verge.
Kapsułu vyrabili z vuhlarodnaha vałakna, pastavili na jaje elektryčny ruchavik mahutnaściu 50 kVt i pnieŭmatyčnuju tarmaznuju sistemu, jakaja zdolnaja spynić kapsułu ŭsiaho za 5 siekund. Pry hetym masa kapsuły składaje 70 kh. Taki pratatyp naŭrad ci znojdzie praktyčnaje prymianieńnie, adnak kamanda razhladaje kapsułu jak vyprabavalnuju madel dla novych technałohij.
Hyperloop — heta prajekt vakuumnaha ciahnika, prapanavany ŭ 2012-2013 hadach Iłanam Maskam. Miarkujecca, što kapsuły buduć pierasoŭvacca ŭ hiermietyčnaj vakuumnaj trubie z chutkaściu da 1220 km/h. Ciapier prajekt nie realizavany.
