Inviestar z AAE, što pryvioz Maradonu, paabiacaŭ zaprasić u Biełaruś Mesi i Ranałdu
Partnior futbolnaha kłuba «Dynama-Brest» Tadžedzin Siejf raspavioŭ ab płanach pabudavać u Breście spartyŭny kompleks na 30 tysiač miescaŭ i «dziciačuju futbolnuju akademiju imia Maradony». Pra heta jon paviedamiŭ u efiry telekanała STB.
«Vy ŭ Biełarusi ŭbačycie usich zorak: ubačycie Mesi, Ranałdu, brazilskaha Ranałda, Kafu, Kasiljasa, — skazaŭ biznesmien. — Z usimi budziem damaŭlacca, kab jany pryjechali siudy jak minimum na dva dni i pieradali vopyt maładym [vučniam] ŭ akademii».
«My ŭ šoku ad taho, jak ludzi lubiać Maradonu, — skazaŭ Tadžedzin Siejf. — Heta [padzieja] nie tolki dla «Dynama-Brest», a dla ŭsioj Biełarusi. Jon padymaje futboł Biełarusi całkam. Kudy b jon ni pryjechaŭ, u luby horad, dzie ŭ nas budzie hulnia, ludzi pryjduć na stadyjon, kab pahladzieć na jaho».
Nahadajem, Dyjeha Maradona prylacieŭ u Brest 16 lipienia ŭ jakaści novaha staršyni praŭleńnia «Dynama-Brest». Jon adznačyŭ, što hatovy surjozna pracavać z kamandaj, kab zaŭziatary hanarylisia svaim kłubam. 58-hadovy arhienciniec budzie zajmacca pytańniami stratehičnaha raźvićcia kłuba, a taksama ŭzajemadziejničać z usimi jaho strukturnymi padraździaleńniami, uklučajučy dziciačuju akademiju «Dynama-Brest».
Tadžedzin Siejf byŭ pradstaŭleny jak novy partnior bresckaha «Dynama». Siejf nazyvaje siabie ŭładalnikam i hiendyrektaram inavacyjnaha centra hrupy z AAE. Jon taksama źjaŭlajecca členam savieta dyrektaraŭ i partnioram u bolš čym 20 chołdynhavych kampanijach u AAE, Jeŭropa, ZŠA, Rasija i Biełaruś. Kampanii śpiecyjalizujucca ŭ halinie nieruchomaści, finansaŭ i pramych inviestycyj. U partfolia Siejfa značycca infarmacyja pra atrymańnie dypłomaŭ Mahiloŭskaha dziaržuniviersiteta i maskoŭskim RUDN. Siejf supravadžaŭ Dyjeha Maradonu i byŭ adnym z klučavych śpikieraŭ padčas pres-kanfierencyj u Dubai i Breście.
