U Viciebsku pjany biaspraŭnik sprabavaŭ schavacca ad DAI i ŭrezaŭsia ŭ śviatłafor VIDEA
U Viciebsku niećviarozy biaspraŭnik sprabavaŭ schavacca ad DAI i ŭrezaŭsia ŭ śviatłafor, paviedamlaje UDAI UUS Viciebskaha abłvykankama.
Unačy 22 lipienia kala 3.30 uvahu DPS pryciahnuŭ aŭtamabil «Reno», jaki ździajśniaŭ dziŭnyja manieŭry. Supracoŭniki DAI padali kiroŭcu sihnał, kab toj spyniŭsia, adnak jon pasprabavaŭ schavacca.
U vyniku mašynu zaniesła, jana najechała na aporu śviatłafora i pierakuliłasia. Mašyna zaharełasia, ale ratavalniki jaje patušyli. U sałonie aŭtamabila znachodziłasia niepaŭnaletniaja pasažyrka. U DTZ nichto nie paciarpieŭ. Kiroŭca vybraŭsia z aŭtamabila i pasprabavaŭ źbiehčy, ale jaho paśpieli zatrymać.
Im akazaŭsia 18-hadovy žychar Viciebska, jaki nikoli nie mieŭ paśviedčańnia kiroŭcy. U momant kiravańnia aŭtamabilem jon byŭ pjany. Raniej jon užo pryciahvaŭsia da administracyjnaj adkaznaści za kiravańnie transpartnym srodkam u stanie ałkaholnaha apjanieńnia. Na chłopca skłali 4 pratakoły. Aŭtamabil aryštavali.
