Ekanamisty rasijskaj VŠE: Realnyja zarobki ŭ Biełarusi pieravysili rasijskija
Realnyja zarpłaty ŭ Biełarusi pieravysili pakazčyki apłaty pracy ŭ Rasii, paviedamlajecca ŭ manitorynhu «Mižkrainavyja supastaŭleńni zarobkaŭ u 2011-2017 hadach», jaki padrychtavali ekśpierty Instytuta sacyjalnaj palityki Vyšejšaj škoły ekanomiki.
Ekanamisty paraŭnali zarpłaty ŭ dalarach u Rasii, krainach SND i Uschodniaj Jeŭropy, a taksama Kitai i Brazilii ŭ terminach parytetu pakupnickaj zdolnaści valut (PPZ, uraŭnoŭvaje spažyvieckija zdolnaści valut roznych krain). Pry raźlikach aŭtary vykarystali dadzienyja Suśvietnaha banka ab PPZ 2011 hoda, a taksama kurs valut i ŭzrovień inflacyi ŭ krainach u nastupnyja hady. Rasijski ŭzrovień apłaty pracy zastajecca vyšejšym za bolšaść krain SND — u 2017 hodzie jaje siaredniamiesiačny pamier skłaŭ $1640 pa PPZ, acanili ŭ VŠE. Adzinaj dziaržavaj SND, jakaja pierahnała Rasiju, stała Biełaruś, dzie siaredni zarobak pa PPZ u minułym hodzie dasiahnuŭ $1648.
