U Minsku pjany kiroŭca raźbiŭ nahami łabavoje škło mašyny DAI — FOTA
Pra heta paviedamiła BIEŁTA staršy inśpiektar pa ahitacyi i prapahandzie ADAI Zavodskaha RUUS Minska Anastasija Zabaŭskaja.
Incydent adbyŭsia ŭviečary 18 lipienia. U milicyju pastupiŭ zvanok ad minčuka, jaki raspavioŭ, što na vuł. Anharskaj aŭtamabilem kiruje pjany kiroŭca. 27-hadovy mužčyna vypiŭ, sieŭ za rul i pajechaŭ u najbližejšuju kramu pa dabaŭku. Vidavočcy sprabavali jaho spynić, ale nie atrymałasia.
«Supracoŭniki DAI zatrymali parušalnika. U jaho kryvi było 2,55 pramile ałkaholu. U patrulnym aŭtamabili małady čałaviek raptam staŭ pavodzić siabie ahresiŭna, sprabavaŭ vyjści z mašyny na chadu, rabiŭ sproby schapicca za rul. Supracoŭniki DAI nadzieli na jaho kajdanki. Ale akazvajučy milicyjantam supraciŭ, parušalnik raźbiŭ nahami łabavoje škło. Dla dalejšaha razboru jon byŭ dastaŭleny ŭ adździaleńnie milicyi», — raspaviała Anastasija Zabaŭskaja.
