U Breście stvaryli multfilm dla biaźvizavych turystaŭ z Dyjeha Maradonaj VIDEA
U Breście stvaryli infarmacyjna-paznavalny multfilm dla biaźvizavych turystaŭ. Pra heta paviedamili siońnia na bryfinhu va ŭpraŭleńni sportu i turyzmu Bresckaha abłvykankama, pieradaje BiełTA.
«Biaźviz nabraŭ dobry kirunak. Ale my sutyknulisia z tym, što nie ŭsie zamiežniki razumiejuć, jak da nas pryjechać bieź vizy, tamu chočam maksimalna efiektyŭna danieści infarmacyju dla žycharoŭ Bresckaj vobłaści i patencyjnych turystaŭ. Dziejničaje sajt bezvizbrest.by. U budučyni jon budzie pracavać na vaśmi movach [ciapier dziejničaje tolki ruskaja viersija — Red.]. Taksama stvorany rolik ŭ vyhladzie multyplikacyjnaha filma, jaki pakazvaje, što treba zrabić krok za krokam, kab pryjechać u Brest bieź vizy», — raskazaŭ načalnik upraŭleńnia sportu i turyzmu abłvykankama Mikałaj Hłušenia.
Rolik pierakładzieny na ruskuju, polskuju i anhlijskuju movy.
