AMAP razahnaŭ pikiet la restaracyi Zajdesa «Hrand Kušaviel»
Supracoŭniki minskaha AMAPa zatrymali Volhu Nikałajčyk i Leanida Kułakova, a taksama jašče adnaho aktyvista, jakija pryjšli na pikiet la restarana «Hrand Kušaviel», što naležyć saŭładalniku zabaŭlalnaha komleksu «Pajedziem, pajadzim» la Kurapataŭ, piša Radyjo Svaboda.
Akcyja doŭždyłasia niekalki chvilinaŭ. Aktyvistaŭ papiaredzili, što ich akcyja niesankcyjanavanaja, a potym zabrali ŭ mikraaŭtobus. Aktyvisty nie zmahli razdać svaje ŭlotki z asudžeńniem dziejnaści biznesoŭca Leanida Zajdesa, jaki nia choča zhortvać restaracyju la Kurapataŭ.
Adzin ź inicyjataraŭ pratestu ŭ Kurapatach Pavał Sieviaryniec zajaviŭ 18 lipienia ab bajkotu mienskich restaracyjaŭ Zajdesa paśla zryvu pieramovaŭ. Akramia akcyjaŭ pratestu, buduć nakiravanyja listy da asnoŭnych pastaŭščykoŭ charčoŭ i napojaŭ z prapanovaj spynić padtrymku «biznesu na kaściach». Kali hetyja zvaroty praihnarujuć, raspačniecca kampanija zakliku da bajkotu praz sacyjalnyja sietki.