Ciahniki ź Bierlina buduć prybyvać u Minsk pad muzyku Vahniera
Na čyhunačnym vakzale Minska da 25 žniŭnia budzie hučać kłasičnaja simfaničnaja muzyka. Heta muzyčny padarunak dla minčukoŭ i haściej stalicy ad fiestyvalu «Kłasika kala Ratušy z velcom», infarmuje BiełTA.
Dzieviać mižnarodnych ciahnikoŭ prybuduć pad akampaniemient 25-siekundnych uryŭkaŭ, tematyčna źviazanych ź ich maršrutam. Ciahnik Bierlin — Maskva prybudzie pad uvierciuru da opiery «Tanhiejzier» Vahniera, ciahniki z Ukrainy (Truskaviec — Mahiloŭ i Adesa — Minsk) — pad mazurku z opiery «Taras Bulba» Rejnhalda Hliera. Rasijskija ciahniki (Maskva — Brest, Novasibirsk — Minsk, Archanhielsk — Minsk) budzie sustrakać muzyka z baleta «Ščaŭkunok» Čajkoŭskaha, ciahniki Vilnia — Minsk prybuduć pad miełodyju ź simfaničnaj paemy «Mora» litoŭskaha kampazitara Čurlonisa. A ciahnik Varna — Minsk budzie prybyvać pad uryvak rapsodyi «Vardar» bałharskaha kampazitara Panča Uładzihierava.
