A vy viedali, što my žyviom u Miejhalejski pieryjad?
IUGS
U historyi Ziamli źjaviŭsia novy raździeł — i ŭsie my ŭ im žyviom. Navukoŭcy aficyjna kłasifikavali apošnija 4200 hadoŭ jak asobny hieałahičny pieryjad u historyi našaj płaniety.
Jaho nazvali Miejhalejski pieryjad, pačatak jakomu pakłała hłabalnaja zasucha, što pryviała da hibieli adrazu niekalkich bujnych cyvilizacyj u roznych častkach płaniety. Mižnarodnaja stratyhrafičnaja škała — znakamitaja dyjahrama, jakaja adlustroŭvaje hieałahičnuju chranałohiju našaj płaniety (takaja napeŭna visieła ŭ vas u školnym kabiniecie bijałohii), — zaraz budzie pryviedziena ŭ adpaviednaść z novaj kłasifikacyjaj.
Adnak treba adznačyć, što ŭ navukovaj supolnaści jość niekatoryja roznahałośsi nakont novaŭviadzieńnia. Niekatoryja daśledčyki miarkujuć, što ideja Miejhalejskaha pieryjadu, upieršyniu prapanavanaja ŭ adnoj z navukovych prac siem hadoŭ tamu, nie atrymała dastatkovaha abmierkavańnia.
Hieołahi padzialajuć historyju isnavańnia Ziamli — kala 4,6 miljardaŭ hadoŭ — na časavyja adrezki. Kožny adrezak pačynajecca ź jakoj-niebudź bujnoj padziei płanietarnaha maštabu — padziełu kantynientaŭ, istotnych klimatyčnych zruchaŭ ci navat źjaŭleńnia novaha typu žyvioł abo raślin.
My žyviem u epochu hałacenu, raspačatuju 11,7 tysiačy hadoŭ tamu — paśla taho jak istotnaje paciapleńnie klimatu pryviało da zakančeńnia apošniaha ledavikovaha pieryjadu. Ale sam hałacen ciapier taksama padzieleny na niekalki hieałahičnych pieryjadaŭ Mižnarodnaj kamisijaj pa stratyhrafii (ICS).
Mienavita hety orhan źjaŭlajecca aficyjnym chranohrafam hieałahičnaha času, i mienavita jaho ekśpierty prapanavali vyłučyć rańniuju, siaredniuju i poźniuju fazu hałacenu.
Kožnaj fazie papiaredničała istotnaje źmianieńnie klimatu.
Apošniaja ź ich — Miejhalejski pieryjad — pačałasia 4200 hadoŭ tamu ź vialikaj zasuchi, katastrafičnyja nastupstvy jakoj adčuvalisia na praciahu dvuch stahodździaŭ i nanieśli niepapraŭnuju škodu cyvilizacyjam Jehipta, Hrecyi, Siryi, Paleściny, Miesapatamii, daliny Inda i daliny Janczy.
Chutčej za ŭsio, zasuchu spravakavała źmiena akijaničnych i atmaśfiernych płyniaŭ.
Kab atrymać asobny radok u aficyjnaj kłasifikacyi, hieałahičny pieryjad pavinien adlustroŭvać jakuju-niebudź padzieju, jakoje mieła nastupstvy hłabalnaha maštabu i jakaja pryviała da ŭtvareńnia novaha płasta hornaj parody.
Adna z samych vidavočnych miežaŭ pralahła na ŭzroŭni 66 młn hadoŭ tamu, kali krejdavy pieryjad źmianiŭsia Tracičnym (u sučasnaj škale jon uklučaje ŭ siabie niekalki pieryjadaŭ): apadkavyja parody padzielenyja płastom z vysokim utrymańniem irydyja. Jaho raźnieśli askiepki asteroida, što źniščyŭ dynazaŭraŭ.
Miejhalejski pieryjad adroźnivaje prysutnaść bolš śpiecyfičnych chimičnych złučeńniaŭ, jakija z najbolšaj vidavočnaściu možna nazirać na prykładzie stałahmitavych adkładaŭ u piačorach štata Miejhaleja na paŭnočnym uschodzie Indyi
