Stvaralnika choru «Unija» Kiryłu Nasajeva pachavajuć 20 lipienia ŭ Michanavičach
Raźvitańnie i adpiavańnie kiraŭnika «Unija» Kiryły Nasajeva, jaki pamior 17 lipienia, pačniecca ŭ piatnicu a 10-j hadzinie ŭ carkvie Śviata-Jelizaviecinskaha manastyra (miastečka Navinki pad Mienskam). Pachavajuć jaho ŭ Michanavičach, pobač z mahiłami baćkoŭ. Pra heta Svabodzie paviedamili svajaki Nasajeva.
Chormajstru i muzykolahu było 58 hadoŭ. Apošnija hady jon mocna chvareŭ. Biełaruski chormajstar, muzykołah i piedahoh Kiryła Nasajeŭ — stvaralnik znakavych prajektaŭ «Muzyka Litvy i Karony», «Muzyka biełaruskich chramaŭ», «Biełaruskija maršy j pieśni. Liryka zmahańnia».
Mužčynski chor «Unija» paŭstaŭ na pačatku 1990-ch. Pravasłaŭnyja, kataliki, unijaty, pratestanty sabralisia z adnoj metaj — kab śpiavać biełaruskija carkoŭnyja, kaścielnyja j chramavyja pieśni.
