Ščotkina raspaviała, ci buduć skaračać dekretny adpačynak u Biełarusi
Pierš čym skaračać dekretny adpačynak, nieabchodna stvaryć dla hetaha nieabchodnyja ŭmovy. Pra heta namieśnik staršyni Savieta Respubliki Maryjana Ščotkina zajaviła ŭ prahramie «Hutarka ŭ prezidenta» telekanała «Biełaruś 1», adkazvajučy na pytańnie žurnalista, ci treba skaračać adpačynak pa dohladzie dziciaci, piša Tut.by.
— Dajecca try hady — heta dadzienaja mahčymaść. Jak hetyja srodki, jakija na try hady vypłačvajucca, buduć akumulavanyja na bolš karotki pieryjad ci nie? Kali my havorym pra bolš karotki adpačynak, značyć, my pavinny prapanavać razhalinavanuju, zručnuju sietku jasielnych hrup, pavinny raźvivać pryvatnyja dziciačyja sady. Heta pierśpiektyva, — adznačyła Ščotkina i dadała: «Chaj zastaniecca hety adpačynak».
Ščotkina taksama pierakananaja, što adpačynak pa dohladzie za dziciem dla baćkoŭ nie pavinien być abaviazacielstvam.
«Dla ŭsich ludziej pavinny być mahčymaści i vybar, bo situacyi ŭ siemjach mohuć być roznyja. Mama nie pracuje, a baćka na vysokaapłatnaj pasadzie — jamu patrebny hety abaviazkovy adpačynak? Jon apłačvajecca ci nie? Kali apłačvajecca, nichto nie admovicca, a kali nie? Tady pytańnie», - adznačyła jana.
