Sieviaryniec zaklikaŭ nie davać šenhienskija vizy rabotnikam restarana ŭ Kurapatach, a taksama aktyŭnym naviednikam
Taksama abaroncy Kurapataŭ źbirajucca prasić zamiežnyja ambasady nie davać vizy ŭłaśnikam restaranaŭ, achoŭnikam, słužboŭcam, jakija pišuć danosy i ažyćciaŭlajuć represii ŭ dačynieńni abaroncaŭ Kurapataŭ; tym, chto najazdžaje na ludziej albo ŭdzielničaje ŭ hetym biznesie; i samym aktyŭnym naviednikam
Fota Voli Aficeravaj
Abaroncy Kurapataŭ ahučyli scenar bajkotu mienskich restaracyj biznesoŭca Leanida Zajdesa, jaki admaŭlajecca zakryvać zabaŭlalny kompleks «Pojediem pojedim» pablizu Kurapataŭ, piša Radyjo Svaboda.
Adzin ź inicyjataraŭ pratestu Pavał Sieviaryniec zajaviŭ, što ad siońnia pačynajecca ahulny bajkot restaracyi «Pojediem pojedim», a 19 lipienia aktyvisty pačnuć pikietavać restaracyju «Hrand Kušaviel».
Naviednikam buduć davać infarmacyju, čym zajmajecca Zajdes u Kurapatach, i nastojliva rekamendavać nie naviedvać jahonyja restaracyi.
Akramia taho, buduć nakiravanyja listy da asnoŭnych pastaŭščykoŭ charčoŭ i napojaŭ z prapanovaj spynić padtrymku «biznesu na kaściach». Kali hetyja zvaroty praihnarujuć, raspačniecca kampanija zakliku da bajkotu praz sacyjalnyja sietki.
Taksama abaroncy Kurapataŭ źbirajucca prasić zamiežnyja ambasady nie davać vizy ŭłaśnikam restaranaŭ, achoŭnikam, słužboŭcam, jakija pišuć danosy i ažyćciaŭlajuć represii ŭ dačynieńni abaroncaŭ Kurapataŭ; tym, chto najaždžaje na ludziej albo ŭdzielničaje ŭ hetym biznesie; i samym aktyŭnym naviednikam.
U prezydenckuju administracyju rychtujuć zajavu z patrabavańniem pravieści pravierku i pierahledzieć raniejšy dazvoł na dziejnaść restaracyi pobač ź miescam rasstrełaŭ.
«Naš bajkot budzie niehvałtoŭny, — adznačyŭ Pavał Sieviaryniec. — Hvałt idzie ad ułaśnikaŭ restaracyi, nie ad nas».
Napiaredadni staršynia Partyi BNF Ryhor Kastusioŭ zajaviŭ, što sprava z arhanizacyjaj pieramovaŭ pamiž pradstaŭnikami hramadzkaści i ŭładalnikami restaracyi «Pojediem pojedim» zajšła ŭ tupik.