Troje dziaciej adnačasova vypali z akna va Uździenskim rajonie
Zdareńnie adbyłosia 17 lipienia ŭ adnoj ź viosak Uździenskaha rajona, piša sk.gov.by.
Cusiedskija chłopčyki znachodzilisia ŭ haściach u dziaŭčynki (usim dzieciam pa piać-šeść hadoŭ) i hulali biez darosłych u dziciačym pakoi na druhim paviersie doma. Akno było pryadčyniena, dzieci padstavili kresła i zaleźli na padakońnik.
Jany samastojna adčynili stvorku akna, pakłali łokci na maskitnuju sietku, jakaja zatym sarvałasia z macavańniami. U vyniku dzieci ŭpali z vyšyni bolš za 5,5 mietraŭ i atrymali cialesnyja paškodžańni roznaj stupieni ciažkaści (traŭmy hałavy, pierałomy ściahna, plača, roznyja ŭdary).
SK čarhovy raz źviartajecca da baćkoŭ z prośbaj być bolš uvažlivymi i aściarožnymi. «Nie pakidajcie dziaciej biez nahladu, asabliva ŭ pakoi z adkrytym aknom. Usie pradmiety mebli pavinny być adsunutyja ad voknaŭ, kab dzicia nie mahło zaleźci na padvakońnik. Staŭcie na vokny śpiecyjalnyja fiksatary, jakija nie dazvolać dzieciam samastojna jaho adkryć», — adznačajuć u SK.
