Samalot Pucina parušyŭ pavietranuju prastoru Estonii
Učora, 16 lipienia, u pieršaj pałovie dnia pavietranuju prastoru Estonii parušyli rasijskija samaloty A319 i IŁ-96. Na borcie apošniaha znachodziŭsia prezident Rasii Uładzimir Pucin, paviedamlaje Postimees.
Abodva samaloty naležać dziaržaŭnamu avijaparku Rasii. Heta aznačaje, što na ich latajuć tolki vyšejšyja dziaržaŭnyja čynoŭniki.
Pucin prybyŭ u Chielsinki na samalocie IŁ-96 z rehistracyjnym numaram RA-96022. Pry vyvučeńni anłajn-radaraŭ zrazumieła, što samalot mienavita z hetym rehistracyjnym numaram parušyŭ pavietranuju prastoru Estonii.
Samaloty znachodzilisia ŭ pavietranaj prastory Estonii mienš za chvilinu. Ich transpondary byli ŭklučanyja, ale płany palotaŭ nie pradstaŭleny. U samalotaŭ nie było radyjosuviazi z Estonskaj słužbaj pavietranaha ruchu.
