Apłačvać kamunałku pa QR-kodzie zaraz možna va ŭsich rehijonach Biełarusi
Apłačvać žyllova-kamunalnyja pasłuhi pa QR-kodzie ź lipienia zmohuć žychary ŭsich rehijonaŭ Biełarusi, paviedamlaje BiełTA.
Apłacić kamunalnyja pasłuhi praz kod možna jak u adździaleńniach paštovaj suviazi, tak i z dapamohaj mabilnaj bankaŭskaj prahramy. U lipieni pašyrajecca kolkaść bankaŭ, jakija prapanujuć svaim klijentam vykarystańnie dadzienaj technałohii. Raniej takaja mahčymaść była ŭ klijentaŭ Bielinviestbanka i BTA-Banka, a taksama karystalnikaŭ prahramy v-banking. U hetym miesiacy da śpisu dałučyŭsia Biełhazprambank. Hatoŭnaść dapracavać svaje mabilnyja prahramy paćvierdzili Biełahraprambank, Bank Maskva-Minsk i MTBank
QR-kod — kvadratny malunak, u jakim z dapamohaj śpiecyjalnaha ałharytmu zašyfravana infarmacyja. Heta mohuć być apłatnyja rekvizity, spasyłka na sajt abo zvyčajny tekst. Litary QR aznačajuć «quick response», heta značyć «chutki vodhuk». Smartfon abo skanar moža za siekundu sčytać ź jaho infarmacyju abo pierajści pa spasyłcy.