Švarcenehier paraŭnaŭ Trampa na pres-kanfierencyi z Pucinym z makaroninaj
kremlin.ru
Akcior i eks-hubiernatar Kalifornii Arnold Švarcenehier, kažučy ab sumiesnaj pres-kanfierencyi prezidenta ZŠA Donalda Trampa z Uładzimiram Pucinym, paraŭnaŭ amierykanskaha lidara z «maleńkaj makaroninaj». Pra heta jon zajaviŭ u svaim zvarocie, apublikavanym na jaho staroncy ŭ Twitter.
«Prezident Tramp, ja tolki što pahladzieŭ vašu pres-kanfierencyju z prezidentam Pucinym. Heta było abraźliva. Vy vyhladali jak maleńkaja pšaničnaja makaronina, jak maleńki fanat. Ja pytaŭsia ŭ siabie, kali vy spytajecie ŭ jaho aŭtohraf abo sełfi, ci niešta nakštałt taho», — skazaŭ Švarcenehier. Na jaho dumku, Tramp «zdradziŭ» amierykanskaj «raźviedcy, jurydyčnaj sistemie i samaje hałoŭnaje» svajoj krainie. «Vy prezident ZŠA, vy nie pavinny hetaha rabić. Što z vami zdaryłasia?» — zadavaŭsia pytańniach amierykanski akcior.
Švarcenehier ŭspomniŭ prezidenta Ronalda Rejhana, pryvodziačy ŭ prykład, jakim pavinien być lidar ZŠA. «Jon, stojačy kala Bierlinskaj ściany, skazaŭ: «Mistar Harbačoŭ, źniščycie hetuju ścianu». Dzie hetyja časy?» — skazaŭ na zakančeńnie akcior, ciažka ŭzdychnuŭšy.
