U Breście pabudujuć stadyjon na 30 tysiač hledačoŭ i nazavuć u honar šejcha
U Breście płanujecca pabudavać stadyjon na 30 tysiač čałaviek. Pra heta na pres-kanfierencyi z nahody pryznačeńnia Dyjeha Maradony staršynioj praŭleńnia bresckaha «Dynama» paviedamiŭ dyrektar pa raźvićci kłuba Viktar Radźkoŭ.
pressball.by
Padčas mierapryjemstva pradstavili prajekt novaha spartyŭnaha abjekta. Jon budzie raźličany na 30 tysiač hledačoŭ. Akramia taho budzie pabudavana adpaviednaja infrastruktura i biźnies-centr.
Stadyjon płanujecca nazvać u honar šejcha Zajda ibn Sułtan Al Nachajana — prezidenta AAE z 1971 pa 2004-y. Sioleta jamu spoŭniłasia b roŭna 100 hadoŭ.
«Asobny akcent — heta akademija Maradony. Futbolnaja akademija stvorana, kab my znachodzili pa ŭsioj krainie i za miažoj lepšych hulcoŭ. Hetyja dzieci — heta tyja, chto budzie vyjhravać Lihu Jeŭropy i Lihu Čempijonaŭ, čempijanaty Jeŭropy i śvietu», — paviedamiŭ Viktar Radźkoŭ.
Prajekt akademii padtrymaŭ novy staršynia praŭleńnia FK Dynama-Brest Dyjeha Maradona.
«My budziem raści. Raści ŭsie razam u harmonii. Vyhadujem vialikuju kamandu, u tym liku vykarystoŭvajučy chłopcaŭ z akademii, kab jany atrymali dośvied, stali vialikimi hulcami», — paviedamiŭ Dyjeha Maradona.
