Žoŭtyja vazy na minskim praśpiekcie Niezaležnaści pierafarbujuć paśla pietycyi haradžanaŭ
Vyjaviłasia, što, vazy stali žoŭtymi niezakonna — biez uzhadnieńnia ź Minkultam tak rabić z historyka-kulturnaj kaštoŭnaściu nielha, piša Radyjo Svaboda.
Kamitet architektury i horadabudaŭnictva pry Minharvykankamie adreahavaŭ na zvarot šaści socień karystalnikaŭ sajtu Petitions.by nakont vazaŭ na praśpiekcie Niezaležnaści, jakija raptam stali jarka-žoŭtymi ŭ mai hetaha hoda.
Pieršaja namieśnica staršyni kamiteta Alena Suchadołava ŭ adkazie na zvarot piša, što balustrada i aharodža mosta praź Śvisłač, što miž płoščaj Pieramohi i cyrkam, pryznanaja abjektam historyka-kulturnaj kaštoŭnaści, stan jakoha maje achoŭvacca.
Farbavańnie balustrady było vykananaje bałansatrymalnikam biez uzhadnieńnia koleravaha rašeńnia, śćviardžajecca ŭ adkazie, tamu kamitet nakiravaŭ u «Harremaŭtadar» i administracyi Pieršamajskaha i Centralnaha rajonaŭ patrabavańnie pryniać zachady ŭ pryviadzieńni abjekta ŭ naležny stan.
Z adkazu nie da kanca zrazumieła, ci stanuć vazy znoŭ biełymi, jakimi byli dziasiatki hadoŭ da «pažaŭcieńnia»: na momant, kali pisaŭsia adkaz, «bałansatrymalnik źviarnuŭsia ŭ Ministerstva kultury pa daču rekamiendacyj u koleravym rašeńni balustrady».