Žycharka Bychaŭskaha rajona atrymała 8 hadoŭ kałonii za źbićcio trochmiesiačnaha syna
Žycharka Bychaŭskaha rajona atrymała 8 hadoŭ kałonii za źbićcio trochmiesiačnaha syna, paviedamlaje Mahiloŭski abłasny sud.
Fota: Anžalika Vasileŭskaja, Tut.by.
Žančyna z 8 pa 10 sakavika, byŭšy pjanaj, u siabie doma źbivała svajho trochmiesiačnaha syna. Hety fakt vyjavili lekary padčas płanavaha miedycynskaha ahladu.
Kryminalnaj spravaj u dačynieńni da žycharki Bychaŭskaha rajona 1994 hoda naradžeńnia zajmałasia Śledčaje ŭpraŭleńnie USK pa Mahiloŭskaj vobłaści.
Sud Bychaŭskaha rajona pryznaŭ žančynu vinavataj u naŭmysnym pryčynieńni ciažkaha cialesnaha paškodžańnia, jakoje jana naniesła zaviedama małaletniamu, jaki znachodzicca ŭ biezdapamožnym stanie, sposabam, jakija nosiać charaktar katavańnia. Prysud — pazbaŭleńnie voli na 8 hadoŭ z adbyvańniem pakarańnia ŭ papraŭčaj kałonii va ŭmovach ahulnaha režymu.