Microsoft upieršyniu za doŭhi čas abnaviła lehiendarny «Natatnik»
Kampanija Microsoft abnaviła prahramu Notepad («Natatnik») dla Windows 10. Jak udakładniaje The Verge, novaja viersija budzie ŭklučać u siabie dapaŭnieńni, jakich daŭno čakali karystalniki.
Fota: The Verge.
Tak, maštabavać tekst možna budzie z dapamohaj kłavišy Ctrl — dla hetaha treba jaje zacisnuć i vykarystoŭvać kołca myšy. Z dapamohaj kambinacyi kłaviš Ctrl i Backspace možna budzie vydalić papiaredniaje słova całkam.
U abnoŭlenaj prahramie źjavicca mahčymaść vykarystoŭvać pošukavik: dla hetaha treba prosta pstryknuć na słova pravaj knopkaj myšy. Taksama pa zmaŭčańni ŭ «Natatnik» budzie ŭklučany kamandny radok z mahčymaściu adlustravańnia numaroŭ radkoŭ i słupkoŭ, kali ŭklučany pieranos słoŭ.
Novyja funkcyi «Natatnika» źjaviacca ŭ najbližejšy čas.