Praz elektronnuju cyharetu ŭ piłota samalot Air China apuściŭsia na 6200 mietraŭ
Na borcie rejsa avijakampanii Air China druhi piłot kuryŭ elektronnuju cyharetu, u vyniku čaho samalot pajšoŭ na avaryjnaje źnižeńnie.
Fota: Weibo.
Druhi piłot sprabavaŭ schavać fakt svajho kureńnia, ale pry hetym vypadkova adklučyŭ kandycyjanier, što pryviało da rezkaha panižeńnia ŭzroŭniu kisłarodu ŭ samalocie. Samalot lacieŭ z Dalania ŭ Hankonh. Paśla adklučeńnia kandycyjaniera ŭ samalocie vypali kisłarodnyja maski, a ekipaž rezka paniziŭ vyšyniu palotu (na 6200 mietraŭ).
Paśla taho, jak pryčynu incydentu vyśvietlili, samalot znoŭ padniaŭsia na narmalnuju vyšyniu.
Vyśvietliłasia, što druhi piłot sprabavaŭ adklučyć vientylacyjnuju sistemu, kab para ad jaho elektronnaj cyharety nie dasiahnuła pasažyraŭ, ale pry hetym jon vypadkova adklučyŭ kandycyjanier.
Pasažyry raspaviadajuć, što im skazali nieadkładna pryšpilicca, i samalot adrazu ž pajšoŭ na źnižeńnie.
Rasśledavańnie incydentu praciahvajecca.
