FIFA paprosić radziej pakazvać zaŭziatarak padčas tranślacyj matčaŭ ČS
Mižnarodnaja fiederacyja futboła (FIFA) paprosić ŭłasnuju zdymačnuju hrupu i nacyjanalnych televiaščalnikaŭ radziej pakazvać u kadry pryvabnych zaŭziatarak padčas tranślacyj matčaŭ čempijanatu śvietu pa futbole, piša Associated Press sa spasyłkaj na kiraŭnika departamienta karparatyŭnaj sacyjalnaj adkaznaści FIFA Fiederyka Adyječy.
Rašeńnie FIFA źviazana z prajavami seksizmu ŭ adnosinach da zaŭziatarak i žurnalistak, jakija pracujuć na ČS-2018, piša ahienctva.
«[Arhanizacyja suprać dyskryminacyi ŭ futbole] FARE paviedamiła FIFA ab prykładna 30 vypadkach «seksizmu na vulicach» padčas ČS-2018. <…> Dyrektar FARE Pjara Poŭar zajaviŭ, što ŭ pałovie vypadkaŭ abjektami zalacańnia stanavilisia žurnalistki, jakija znachodzilisia ŭ pramym efiry. Pavodle acenak Poŭar, niezarehistravanych vypadkaŭ prajaŭleńnia seksizmu ŭ adnosinach da rasijskich žančyn mahło być da 10 razoŭ bolš».
U dzień adkryćcia ČS-2018 14 červienia rasiejski zaŭziatar z krykam «Rasija — čempijon!» pacałavaŭ u ščaku i schapiŭ za hrudzi žurnalistku Deutsche Welle Žuljet Hansales Teran, jakaja znachodziłasia ŭ žyvym efiry z Maskvy. DW rascaniła incydent jak seksualnaje damahańnie. Paźniej mužčyna vybačyŭsia pierad žurnalistkaj, patłumačyŭšy svaje dziejańni tym, što jon pabiŭsia ab zakład ź siabram.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!