Samaj maładoj žančynaj-miljarderam u śviecie stała 20-hadovaja Kajli Dženier
Samaj maładoj žančynaj-miljarderam u śviecie pa viersii časopisa Forbes stała 20-hadovaja Kajli Dženier, dziakujučy hetamu faktu dziaŭčyna patrapiła na vokładku hetaha ŭpłyvovaha vydańnia. Bolšuju častku svajho bahaćcia dziaŭčyna zarabiła na kaśmietycy — jaje ŭłasnaja marka Kylie Cosmetics pryniesła joj kala 900 miljonaŭ dalaraŭ mienš čym za try hady. Taksama jana zarablała na sumiesnych kampanijach z markami Puma i PacSun i pracy na telebačańni. Nu i da taho ž Kajli — heta małodšaja siastra Kim Kardašjan.
Dziaŭčyna zaniała 27 miesca ŭ rejtynhu samych bahatych biznesvumien ZŠA. Važna, što ŭ im ŭličvajucca tolki tyja, chto sam zarabiŭ hrošy — nijakich spadčyńnic. U trojku lidaraŭ uvajšli Dajan Chiendryks (budaŭničaja kampanija ABC Supply), Maryjan Ilitč (sietka piceryj Little Caesars) i Džudzi Fołknier (IT-kampanija, jakaja zajmajecca raspracoŭkaj miedycynskaha prahramnaha zabieśpiačeńnia, Epic Systems). A Kim Kardašjan akazałasia na 54 radku z 350 miljonami dalaraŭ.