Fiederacyja futboła Ukrainy kampiensuje Vukojeviču štraf i prapanuje pasadu
Fiederacyja futboła Ukrainy vyrašyła kampiensavać charvackamu futbalistu Ohnienu Vukojeviču štraf 15 tysiač dalaraŭ, nakładzieny na jaho FIFA za voklič «Słava Ukrainie». Pra heta raspavioŭ prezident FFU Andrej Paviełka ŭ kułuarach parłamienta, piša Ukrainskaja praŭda.
Fota Ramana Ramaniuka
Paviełka pryjšoŭ u Radu ŭ futbołcy zbornaj Charvatyi (ale nie ŭ futbołcy Damahoja Vidy abo Vukojeviča, a ŭ futbołcy futbalista Rakiciča).
«My ŭ FFU vyrašyli kampiensavać Vukojeviču štraf, nakładzieny na jaho, i, kali jon paličyć mahčymym, prapanavać jamu pracu ŭ FFU», — skazaŭ Paviełka.
Jon admoviŭsia kamientavać rašeńnie charvataŭ ab zvalnieńni Vukojeviča z pasady treniera-asistenta, «bo źjaŭlajecca zacikaŭlenym bokam».
«Ciapier vyvučajem jurydyčnuju płoskaść dla dapamohi pry rašeńni apielacyi abo pry padačy ŭ KAS (Spartyŭny arbitražny sud). My damo poŭnuju jurydyčnuju i finansavuju dapamohu ŭ hetym pytańni», — skazaŭ Paviełka.
Jon taksama dadaŭ, što nijakaj palityki ŭ łozunhu «Słava Ukrainie» nie bačyć, i hetaje pytańnie (ahučka lubovi da svajoj krainy) Budzie padymać na nastupnym pasiadžeńni kamiteta FIFA u Ciurychu.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
