FSB zatrymała anarchista-biełarusa na kanfierencyi ŭ rasijskim Taržku
U Ćviarskoj vobłaści kanfierencyju anarchistaŭ «Pramuchinskija čytańni», jakaja prachodzić na radzimie Michaiła Bakunina, naviedali siłaviki. Jany zatrymali hramadzianina Biełarusi, paviedamlaje ovdinfo.org.
Palicejskija pryjechali ranicaj 7 lipienia, stali praviarać u prysutnych pašparty, fatahrafavać dadzienyja i zazirać u namioty. Potym jany zajšli ŭ adzin z damoŭ i skazali, što pastupiła paviedamleńnie, byccam u domie znachodziacca padazronyja asoby.
Palicejskija pravieryli dakumienty ŭ hramadzianina Biełarusi, uviali pašpartnyja dadzienyja ŭ telefon i skazali, što jon «nieŭjazny». Paśla hetaha jaho zabrali. Pa słovach siabroŭki maładoha čałavieka, raniej jamu pra zabaronu na ŭjezd nie paviedamlali.
Siabry zatrymanaha niekalki hadzin nie mahli daviedacca, dzie jon znachodzicca. U Taržku milicyjanty adkazvali, što da ich taki čałaviek nie pastupaŭ, adnak praź niejki čas paviedamili, što jaho pavieźli ŭ FSB. U jakim mienavita adździele FSB znachodzicca małady čałaviek, nieviadoma.
