Iłan Mask buduje mini-padłodku, kab vyratavać dziaciej ź piačory, ale ŭ tajskich uład jość svoj płan
Iłan Mask abiacaŭ uziać udzieł u vyratavańni dziciačaj futbolnaj kamandy, jakaja trapiła ŭ pastku ŭ zatoplenych piačorach Tajłanda. Jak paviedamlaje Gizmodo, Mask pastaviŭ pierad inžynierami jaho kampanii SpaceX zadaču pabudavać padłodku «dziciačaha pamieru», jakaja mahła b praniknuć u zatoplenuju piačoru i vyratavać 12 dziaciej i ich treniera. Kamanda ź dzieviaci inžynieraŭ užo vylecieła ŭ Tajłand.
Tym samym Mask prapanuje alternatyvu aficyjnamu płanu tajskich uładaŭ, jaki praduhledžvaje adpampoŭvańnie vady ź piačory i ekstranny kurs dajvinha dla chłapčukoŭ. Paśla taho, jak uzrovień vady apuścicca, chłopčyki ŭ supravadžeńni prafiesijnych dajvieraŭ buduć pa adnym sprabavać vybracca ź piačory.
U 10:00 pa miascovym časie tajskija ratavalniki pačali misiju pa evakuacyi padletkaŭ ź piačory, paviedamlaje BBC.
Ratavalniki ŭžo pačali supravadžać pieršuju hrupu chłopčykaŭ.
Da płana Maska tajskija ŭłady staviacca skieptyčna. Jany zajavili, što prymuć lubuju dapamohu, ale nie ŭpeŭnieny, što inžyniery Maska razumiejuć usiu składanaść situacyi.