Paŭnočnaja Kareja zajaviła, što hublaje cikavaść da pieramoŭ z ZŠA
Paŭnočnaja Kareja abvinavaciła ZŠA ŭ vykarystańni «bandyckaj» taktyki padšturchoŭvańnia KNDR da jadziernaha razzbrajeńnia.
KNDR taksama nazvała pazicyju ZŠA pa pytańni jadziernaha razzbrajeńnia «vartaj škadavańnia», a pavodziny amierykanskich dypłamataŭ — «vielmi niepakojačymi».
Kamientary paŭnočnakarejskaha kiraŭnictva pra chod pieramoŭ z amierykanskaj delehacyjaj istotna adroźnivajucca ad viersii dziaržsakratara ZŠA Majka Pampiea.
Za niekalki hadzin da hetaha Pampiea vykazaŭsia pra vyniki sustrečy ŭ Pchieńjanie vielmi aptymistyčna.
Heta byŭ jaho pieršy vizit u Pchieńjan paśla sustrečy prezidenta ZŠA Donalda Trampa z paŭnočnakarejskim lidaram Kim Čen Ynam u Sinhapury.
KNDR zajaŭlaje, što padčas pieramoŭ ZŠA pastajanna sprabavali pierakanać paŭnočnakarejski bok admovicca ad jadziernaj zbroi.
U niadzielu Pampiea sustreniecca ź ministrami zamiežnych spraŭ Japonii i Paŭdniovaj Karei ŭ Tokia.