Novy prysud za dziedaŭščynu — na hety raz u Lepielskim rajonie
Sud Lepielskaha rajona vynies prysud u dačynieńni da 22-hadovaha vajskoŭca, jaki abvinavačvajecca ŭ ździajśnieńni vajskovaha złačynstva, paviedamlaje pres-słužba Viciebskaha abłasnoha suda.
Sprava razhladałasia ŭ vyjaznym sudovym pasiadžeńni na terytoryi vajskovaj čaści. Abvinavačany prachodziŭ terminovuju vajskovuju słužbu sa studzienia 2017 hoda. U studzieni 2018 hoda jon rukoj u baksiorskaj palčatcy ŭdaryŭ pa pierakryžavanych na łbie rukach trom paciarpiełym sałdatam.
U sudovym pasiadžeńni abvinavačany svaju vinu pryznaŭ u poŭnym abjomie. Jaho čystasardečnaje raskajańnie va ŭčynienym złačynstvie stała akaličnaściu, jakaje źmiakčaje adkaznaść. Paciarpiełyja pretenzij da abvinavačanaha nie majuć i prasili jaho stroha nie karać.
U vyniku sud pryznaŭ maładoha čałavieka vinavatym u hvałcie nad vajskoŭcami. Jamu pryznačana pakarańnie ŭ vyhladzie pazbaŭleńnia voli na termin 1 hod. Pry hetym sud pastanaviŭ nie vykonvać pakarańnie, kali na praciahu adnahadovaha vyprabavalnaha terminu asudžany nie ŭčynić novaje złačynstva i budzie vykonvać uskładzienyja na jaho abaviazki. Jon abaviazany vykanać hramadska karysnyja raboty ŭ abjomie 100 hadzin i vypłacić u dachod dziaržavy kampiensacyju ŭ pamiery 1225 rubloŭ. Prysud u zakonnuju siłu nie ŭstupiŭ i moža być abskardžany i apratestavany.
