Biełaruskija vieślary zaniali pieršaje miesca pa miedalach na junijorskim Čempijanacie Jeŭropy
Biełaruskija atlety zaniali pieršaje miesca ŭ miedalnym zaliku na junijorskim i maładziožnym (U-23) čempijanacie Jeŭropy pa viesłavańni na bajdarkach i kanoe, jaki zaviaršyŭsia ŭ italjanskim Auronco-dy-Kadore, paviedamlaje BiełTA.
U aktyvie biełaruskich atletaŭ 15 uznaharod, vosiem ź jakich załatyja. U miedalnym zaliku siarod junijoraŭ ź piaćciu załatymi i tryma bronzavymi ŭznaharodami našy vieślary apiaredzili sapiernikaŭ z Danii (3 załatyja i 1 bronzavy) i Čechii (2; 3; 3), a siarod atletaŭ da 23-ch hadoŭ biełarusam udałosia zavajavać siem uznaharod (3; 3; 1), takaja ž kolkaść miedaloŭ u vieślaroŭ z Polščy - 7 (3; 3; 1), trecimi ŭ zaliku byli italjancy z dvuma załatymi i dvuma siarebranymi miedalami. U čempijanacie Jeŭropy ŭziali ŭdzieł bolš za tysiaču spartsmienaŭ z 35 krain.
